الاخوة انواع

قبل كنت احس ان الصديق او الخوي كلهم نفس الشئ والصداقه هي الصداقه
لكن في فرق في صداقه تجمعك مثلا في العمل وبعد فترة العمل ما كانكم تعرفون بعض
وتناسيتوا وفي صداقه تحسسك انك قريب من الشخص لكن تلاحظ الزمن يثبت العكس
العلاقات مثل البنيان كل ما كانت قويه كل ما بقت وكل ما كانت ضعيفه كل ما تهدمت
لا تحكم من اول ما تعرف الواحد عليه ولا تفضله لان خويك هو الي يبقى دايم معك
الاخويا مراتب وعط كل واحد مثل ما يعطيك عطاك احترام عطه احترام
عطاك معروف رد المعروف امنك على سر امنه على اسرار وثق فيك ثق فيه
تقدر تكسب محبه وصداقه الكثير باشياء بسيطه مثل انك تعطي معروف لشخص يستحق المعروف ان طلب منك
او ما طلب فاعتبرها هديه صدقني ما راح ينساها لك وتلقى ذكرك وسمعتك طيبه
لا تعتب على من خانك او حاول يجرحك طلع له اعذار ولا تحقد فهذا يريحك
الاعمار ما تضر دايم في الصداقه وتعتمد حسب الشخص نفسه ان كان عاقل بعطيك العقل
وان كان حكيم بيعطيك الحكمه لان دايم العقول الكبيره تنمي الصغيره وليست الاعمار
لان في ناس يشيبون ومستوى عقلهم واحد هو هو ما تغير
خصوصا النوعيه الي تظن انهم لما يسبون ويشوفون عيوب الناس ويتركون عيوبهم وكانهم ملايكه
يظنون انهم يكسبون احترام الناس على هالشئ لان هذا ما يملي لهم عقلهم الطفولي
ما ابي اطلع عن صلب الموضوع واتكلم كثير اوفر الكلام الجاي للتدوينات الجايه
في ختام الموضوع احب لا اعلمكم بل اذكركم ببيت كثير ما سمعناه
فَمَا أَكْثَر الأَصْحَـابَ حِينَ تَعُـدُّهُمْ
ولَكِنَّهُـمْ فِـي النَّـائِبَـاتِ قَلِيـلُ