راعيت مشاعر الكل فندمت!

بسم الله الرحمن الرحيم
اعتذر عن طول الغياب عن الكتابه وذلك لظروف احتفظ فيها لنفسي
ولكن جيت لكم اليوم بزحمه مشاعر اتمنى تكون ايفاء للتقصير الي وان كان من غير قصد
ابدا بصورة اخترت لها لان تعتبر شروق الشمس كبدايه امل
لظلمه اكتئاب من مافي الدنيا وان كانت صعبه ففيها امل وان كان في
اكتئاب وهواجيس ففي امال وافراح
كل الي قلته مجرد مقدمه
محد يسلم من هوواجيس الليل وتانيب الضمير لاسباب كثير
ومن الاسباب الي ممكن تضايق الواحد نتكلم عن الطالب
ففي الصف الحكومي لا يخفى ان فيه زحمه سكانيه XD
في ظل هذي الزحمه لن تجد الكل راضي عنك في ناس ما يبلعونك
وفي ناس يتمنون قربك وفي ناس يحبون مضايقتك
وفي ناس قصدهم تشويه صورتك قدام الناس واصطناع المشاكل لك
ان حطيتهم باعتبارك وشاغلين تفكيرك بتتعب <<<اسال مجرب:D بجد والله لا يحزنك ان هذا زعلان منك او ان هذا يكرهك لان في ناس يحبونك يقولون صير ايجابي تنظر للي يكرهونك وتترك الي يعزونك وحتى الي يكرهونك وصرت تفكر فيهم الين وين بتوصل ما راح يرضون الا لما يذلونك لانهم يكرهونك برجم نفسه على كرهك انا ما اقول لا تعتذر على العكس شف الناس الي انت غلطت بحقهم واعتذر لا تعتذر عشان تكسب قلب واحد كرهك اعتذر عشان تكسب رضا ربك لما تلتفت للناس راح يصير عندك زحمه مشاعر الناس لانك مهما فعلت لن تكسب الجميل فلكل شخصيه محبوبه عدو ولكل نبته فطريه مستقيمة حواف وافرع معوجه لكل ناس اخطاء لكن لماذا تطلع للسلبيات وتترك الايجابيات خذ الناس على ايجابياتها واجعل لكل صديق مرتبه بالقدر المرتبه الي يعطيك اياها هذي كلمه مجرب عاش وصدق وايقن كل ما عاشه هنا وسطرها لكم بحروف كتبت بريشه التجربه

توقيع
15\6\1431

جور الزمن

كنت اول اتكلم بلسان ناس تعذبوا بالحياه
كنت اتكلم عن الزمن وادرك اني مبالغ مدري ليه
وجى اليوم ادرك فيه كيف ان الزمن قاسي
ما احب اذكر الي صار لاني كل ما تذكرته عرفت معنى الظلم
انا هنا مو جاي اقول حادثه صارت جاي اقول مشاعر صارت
بغض النظر عن الاسباب الي خلتها
قسم بالله اننا عشنا بزمن الواحد ما يستحق انه يعيشه
بحق الموت ارحم منه
انت يالمظلوم خذ جزاك وانت يالظالم خذ حبة عالراس
وعساس ما ابي اقول الي حصل اليوم
شعور يشبه شعور ايدي في فلم اصلاحيه شاوشينك
تقدر تقول ان القانون مو عادل
اعترفت بشئ عوقبت عليه وجحد بشئ نجى فيه
اخ بس وش اقول وين ابدى وين انتهي
اول مره اكتب خاطره ما ادري وين بدايتها ووين نهايتها
وكيف اسلسها
هل لان كلام القلب صعب فهمه
احس اني مثل الطفل الي ما يعرف يتكلم فتلقى يقول اشياء مو مرتبه
لانه ما اجاد صياغة لسانه فاخذ بصياغه قلبه
او لاني ما احب احد يناقشني بمشاكلي
لاسباب ذكرتها قبل
انا بحق اكتشفت ان الدنيا ما تستحق التسبت فيها
اكتشفت ان ان عطتك يوم خذت منك ايام
وتاملي بالقدر اتمنى ان ينقذني باذن من الله
احس اني في متاهه افكاري الكبيييره
واقول هل بيع الذمه سهل؟
هل عشان اعيش اتخلى عن مبادئ؟
هل عشان اعيش اقبل بالاهانه والظلم وتنكيس الراس؟
هل هل هل
اسئله كثيره
اجابتها صعب تحكم عليها
انا عارف انك تقابل مشاكلك بصرامه هو الحل
لكن هل الظروف تسمح لك
هل زمانك يسمح لك
انا لحالي عايش في متاهه من التساؤلات
انتظر مرور الوقت يرحمني منها
لانه شئ الاستمرار عليه شئ ما اطيقه
فوق استطاعتي
واعتذر اني ما قلت سبب هذا الشعور
ولعل الجواب الي ممكن اجاوبه
(جور الزمن)
واتمنى محد يلح لان الجواب جور الزمن
ولعل فلسفتي ام نفاذ صبري مرتبط باليوم لانه امس

توقيع
10\6\1431

فلسفتي ام نفاذ صبري

بسم الله الرحمن الرحيم

كل واحد فينا تمر عليه مشاكل وتمر عليه مصايب واحزان
في منا الي يبين عليه الضيق ويفضفض بالي فيه <<<وبعدين يرتاح ومنا من يطبق قاعده فلها وربك يحلها وساحب عالدنيا<<<على طول مرتاح وفي منا من يبتلع المراره كصدمه ووقتها ما يدري وش يسوي فيبتسم<<<للاسف نوعيتي احاول اني اكتم الي داخلي لاني حاط بداخلي اني اتعب من المحطيط الداخلي اريح من ان احد يناقشني من المحيط الخارجي لاني احس وقتها اني بحق فيني عيوب غيري يناقشها فيني والناس مو سواسي ان درى واحد درى الباقي منهم الي بيشفق علي (محل ضعف) ومنهم الي بيرتاح ان عندك مشاكل فيتشمت فيك(محل اهانه) الى اخره عشان كذا احاول اني اكتم الي بنفسي لكن هذا معناته كثير معناته تسائلات في داخلك عن حل للمشكله معناته ان يكون تفكيرك مشغول معناته ما تستمتع بحياتك معناته سهر معناته خوف داخلك ان الزمن يكمل على منواله او ان الرياح تجريبما لا تشتهي السفن معاني كثييير الفلسفه الي اطبقها او الاساس الي اطبقه عيشني بالم داخلي وممكن نفاذ صبري يخليني الموت ارحم صحيح ممكن تقولون ان عمري صغير عالمصير وعالموت هذا السؤال الي مقدر اجاوبه لاني نفسي ما اعرف جوابه لكن السؤال الي ادرك جوابه هل الزمن يستحق ان الواحد يتثبت فيه كثير يقولون لي ان انت مبدع باشياء كثيره ونتوقع لك مستقبل لكن مو معناته اني مرتاح والدنيا مو سهله للكل انا عارف مصداق لقول الله تعالى ((خلق الانسان في كبد)) في مصاعب من ولادته الى موته الي احب اوصله للكل (في الدنيا اتعس منك حال) وانا عارف نفسي وعارف ان في ناس اتعس مني
>>تحياتي<<

حلفت فلا تصدقني!

بسم الله الرحمن الرحيم

ظاهره الكذب انتشرت بشكل كبير
لا نحدده للطلاب فقط بل العالم الاسلامي اجمع
والواقع خير برهان لما اقول
ولايخفى عليكم ان النبل والاخلاق الحميده لا تجتمع مع الكذب
لهذا حرص الاسلام على رفع من مكانه المسلم وان لا يتدنى لمستوى للكذب
ولا تخفى الادله لعلي اذكر للتذكير خصوصا ان الذكرى تنفع المؤمنين
قال تعالى(( إِنَّمَا يَفْتَرِي الْكَذِبَ الَّذِينَ لاَ يُؤْمِنُونَ بِآيَاتِ اللّهِ وَأُوْلـئِكَ هُمُ الْكَاذِبُونَ))
عن أبي هريرة عن النبي قال: { آية المنافق ثلاث إذا حدث كذب وإذا وعد أخلف وإذا اؤتمن خان }
اتوقع ابوقف هنا فصحى لان هالكلام الرسمي تكلمنا فيه وليس معناته نكري للسابق حيث انهم يجتمعون مع بعضهم وبتكلم عمامي للصراحه
كل الي ذكرته قبل شوي ليته يتساوى مع الي بقوله الحين
والله ليته وانا اقولها من قلب صار الحلف بالله كذب مثل السلام عليكم
يظنون الطلاب انهم ان حلفهم هذا بينجيهم من العواقب لكن هيهااات
كل شئ مردود ان ما اخذت جزاك بالدنيا بالاخرة موعد حصادك
تظن مثلي لما تشوف يحلف و العيون بارزة (كانه مظلوم ومتبلين عليه) انه صادق
هذا الكلام تاكدت من صحته اليوم لاني ما صدقت ان شئ مثل هذا يصير
وكان الحلف كذب على اشياء تافهه
صفير منه طلعه
اغضب فيه المدرس شك فيه المدرس اتجه صوبه وقال وقف انت الي صفرصح
كان من الممكن ياخذ له ضربتين عالكف ولا بالكثير خصم درجه او درجتين
رد والمواصفات الي ذكرتها بينت من عيون وطريقه المتبلى عليه وقال :والله انه مو انا ورب المصحف
مدري من الي صفر!
خصوصا اني بالمصادفه شفته يصفر
وقمت اضحك وشر البليه ما يضحك وش استفاد من الحلف طيب انت صحيح انك نجيت من عقاب المدرس
لكن هل تظن انك نجيت من عقاب رب المدرس
ولا انك بينت لكل الطلاب الي شافوك قد ايش انت حقير
انا اتهيت هنا من سالفته القصيره لكن ابوضح لكم عظم كثره الحلف فقط
حيث ذم الله لهذه النوعيه من الناس حيث قال تعالى:((ولا تطع كل حلاّفٍ مهين ، همازٍ مشاَءٍ بنميم ، مناع للخير
معتدٍ أثيم ، عتلٍ بعد ذلك زنيم))
لو لاحظت وصف الله صفات الذي يكثر من الحلف
حيث ان كثره حلفه لم تنتج الا عن استهانته لعظمه الله سبحانه وتعالى
ووصفه بالمهين اي: (الفاجر الحقير)
ووصفه ايضا بالهماز أي: (مغتاب يأكل لحوم الناس بالطعن والعيب)
مشاءٍ بنميم:(أي يمشي بالنميمة بين الناس وينقل حديثهم ليوقع بينهم وهو الفتان).
بمنّاع للخير اي( أي بخيل ممسك عن الإنفاق في سبيل الله)
بمعتدٍ أثيم اي (أي ظلام متجاوز في الظلم والعدوان)
و أثيم اي( أي كثير الآثام والإجرام).
و معتلٍ اي (أي جاف غليظ قاسي القلب عديم الفهم)
وانتهى سبحانه من الايه بزنيم اي( ابن زنا).

فانظر بمن الله بمن جمع كل هذه الصفات المشينه
>>وما يذكر إلا أولو الألباب<<

ملحموظة:

انا هنا تقريبا ما تكلمت عن قصه طويله صارت بالمددرسه
انا هنا تناولت موضوع انتشر بالمدارس

حلم اهم من حلمي

بسم الله الرحمن الرحيم

دايم تكون انت العنصر الاساسي في حلمك شئ طبيعي
وفي بعض الاحيان تكون عضو شرف في حلم صاحبك شئ جميل
وبعض الاحيان يكون حلم خويك يعني لك الكثير والكثير شئ غريب
لانك من ناحيه هذا الحلم تحس وش قد غلاتك ومكانتك الي يكنها صاحبك لك
هذا النوع الي اتكلم عنه هي الي عاشها صاحبكم وكاتب هالكلام من الشعور الي احسه
ابدا بقصتي المعتاده داخل طاولات حدثت قصص اخفيت في ستور ادراجها
ابوح لكم مجرياتها لاظهر ما دس الزمان من اخبار وقصص داخل ادراجها
في حصه بدت كالانتظار (حصه شاغره)بدات وصاحب طاولتي نتناول الحديث عن
الاحلام

وكل منا يقول عن احلام عاشها في النيام (فاضين) ولعل احلامه طغت على احلامي
وبين حلم واخر لفت انتباهي بقوله (انا شفتك بحلم قبل فتره ما تتجاوز الشهر)
شد انتباهي وشوقني لاعرف في ماذا راني وما الاحداث الي كنت فيها
وفي تزامن هذه التساؤلات دخل معلم الماده ما بين تحقير وسب في الطلاب حتى منع الكلام
وانا اقول في داخلي توقيت جميل حتى ظننت ان القدر يصنع جو من التشويق
......................طلع معلم الماده.................
التفت له وقلت كمل
قال :طيب كنت بالحلم انا واياك وشيوخ رايحين لرحله (مكان يسهل الضيع فيه بين اشجار)
وشوي وحنا نمشي انت بديت تتراجع قلت لك عبدالرحمن وينك وش فيك تبعد
رديت وانت تركض هارب او مثل ما قال تنحاش يلحقوني يلحقوني
وبديت تبعد وانا اناديك بصوت عالي تعال عبدالرحمن وين رحت تعال واختفيت وقلت للشيوخ
من الي يطارده قالوا هذولي شياطين
قلت لهم طيب تعالوا نساعده سكتوا ورحت ادور وامشي واناديك لكن ما ترد وفي النهايه لقيت
الشياطين اشكالهم تجيب المغص شكل اقبح منه مافيه ولابسين لباس بني
قلت وين عبدالرحمن وينه قالوا ما ندري عنه رحت ومسكت مع رقبته وخنقته وكل ما شديت ارتحت
راحه عجيبه وانا اخنق وازيد الشد عليه كنت احس براحه كبيره قالي بلهجه غريبه انا اكلمه بالعامي لكنه يكلمني فصحى قال
ذهب الي الجحيم
قلت انت وش تقول هاه واتركه وادور عليك وفي النهايه لقيتك عند مكان شب المخيم او مكان مثل المطبخ بالمخيم
سالتك قلت ليه ما ترد علي وانا اليوم كله اناديك
رديت عليه بالحلم :انا هنا من اليوم انت الي وينك
قال: بعدها صحيت من النوم
قلت والله تخوف سالفه النار
قال يبي لي افسر الحلم لكن الله يقلع الي تنكر على شكلك خلاني اتعب اصرخ وادور ومبسوط بالمطبخ!
ورديت عليه ب:هههههههه
هنا انتهت الحلم لكن كنت اقول انه وبدون ما يدري كون لنفسه بداخلي معزه مثل مواقف كثيره برهنت هالشئ
مثل موقف الخنق وموقف قصه البحث عني
ممكن jتكون طريقه لكسب قلوب الناس:D

حواجز الاحترام تحير!

بسم الله الرحمن الرحيم
طبيعه الاحترام للمعلم شئ عادي لكن ان كان رغم الحواجز الي تكون بالاحترام
يكون حيره بسبب هذا الاحترام او شده الاحترام تجعل الظروف محيره فتابعوا:-

دائم يكون مع الاحترام نسبه من (الخجل) تتفاوت مع شخص الى شخص
لكن اذا كان الاحترام احترام لشخص اكبر منك + يكون معلمك او حتى رئيسك
وانك تحس انك تعامله بشفقه او ضعف او انه ما يحب انك تدري عن هذا الضعف
او الحزن الي هو فيه

وتجي انت تواسيه شئ اكيد ما فيها شئ لكن اذا ما كان يبي انك تدري
على اساس مركز الضعف فهذا شئ ثاني
راح تعيش وقت الحيره وقتها وش اسوي وين الصح
يمكن اروح اوسي حزنه واجرحه
او اني اسكت وياخذ موقف مني ليش ما واسيته
دائما يكون فقد الام اصعب شئ على اي واحد وانا هنا قدرت هالشئ
وانا من داخلي احزن وممكن اشفق عليه لان لفراق عزيز مراره
فما بالك بالام وايضا ان كان الي اشفق عليه المدرس بالرغم من
الايام الي خلاني فيها اتذمر من كثره واجبات ومن تعامله الجاف علي
انا لحالي ولكن ما جاه خلاني احزن له
هذا في الحقيقه ما صار لي بعد غيابه اسبوع كامل وكنت ادري عن وفاه امه
رجع للمدرسه اليوم
والاعظم في الحصه الاولى كنت المح قبلها المعلمين يعزونه
اشوف واقول اتوقع يقبل منهم لكن انا صعب
وانا افكر دخل قلت هنا
الحين وقت مناسب
والتفت اشوف الطلاب وقلت احس انها مو حلوة قدام الطلاب
كنت معظم الحصه محتار وش اسوي وش الصح في النهاية
قلت بدال ما اتعب نفسي بهذي المتهاهه التزم الصمت كغيري من الطلاب
ما لاحظت احد من الطلاب يشجعني اني اعزيه او اواسيه
خصوصا هنا صعب انك توازي معاملتك لطالب مع معاملتك للمعلم
لانه لو كان طالب كان سهل جدا اني اعزيه
لكن جو الحيره جو صعب وصفه :(

من غشنا ليس منا

بسم الله الرحمن الرحيم

مممم سمعنا كثير وقرينا كثير عن الغش
لعلي هنا استخدم نهج جديد في تقديمي للموضوع عساني اتوفق فيه
في البدايه اتكلم عن نفسي شئ اسمه غش احسه خارج عن قاموسي
اصلا ما ارضى وان اخذت درجه غشيت فيها
احس انها درجه مو درجتي وهي اصلا مو درجتي
كيف تكون درجتي وهي اصلا اجوبتها مو اجوبتي
انبذ الفكره هذي لكن مو معناته اني ما غشيت لكني انبذها

خلوني هنا اتكلم عن الغش بين الطلاب
وما ادراك ما الغش بينهم انتم سمعتوا بطرق الاختبار مثل هذي



لكن هل سمعتوا ان لكل مدرس طريقه بالغش!
وان بعض المدرسين افتح الكتاب وهو عندك ولا يدري عنك
وبعضهم طرق غريبه من كتاب الى يد الى ورقه الى سراويل
الى ان بعض الي يثق فيهم المدرس
ويخليهم يراقبون الطلاب والي يراقبون ممم يغششون !
لو تكلمنا عن الطرق ما راح ننتهي الاسباب الي تجعل الطالب يغش
شئ بسيط اكيد لان الطالب ما ذاكر لكن البعض
عندهم ظروف ما يستغلونها بتاجيل الاختبار
وبعضهم يكون تحت تهديد او وطئه سمعه
ان هذا اناني او ان هذا لحد يساعده ما يساعد الناس
او يكون كتهديد غششني ولا تراني ابقول انك مثلا غشيت مني
او اني ابجمع مجموعه نتمسخر عليك ومن هذا القبيل
وترجع الاسباب للطالب لكن الغش عمره ما كان حل
ممكن الان ما يحس فيه الغاش لكن يتاكد انه ببين اثره
ما اتكلم عن تجربه وحده هذي اثار كثير
هذا وحنا ما تكلمنا عن حكمه الشرعي
خصوصا ان الاسلام ما امر بشئ او حرم شئ الا لصالح المسلم
واكبر دليل كما هو معلوم حديث خير البريه
((من غشنا فليس منا))
اي ليس من الاسلام اتوقع مفهومه واضح
الغش من الافعال الي نبذه الاسلام وصفها
ومن يفعلها مسلما تبرى منه الاسلام
تلخيص كلامي هو ان الاسلام والمجتمع رفض الغش

ملحوظة: الغش ليس نوع
واحد فقط فالغش انواع
وانا اخترت غش الامتحانات
لاني اتكلم عن مدرسه وطلاب

>>تحياتي <<

قواعد طالب

قواعد:

بسم الله الرحمن الرحيم
ساعات تكون عند الطالب قواعد محدده بالمدرسه وكل طالب عن طالب تختلف القاعدات
مثلا وتتفرع لافرع
1- المعلم الجديد :-1تشخيص الحاله وفي التشخيص مغامره بحيث انك تستمر على نهج تحس انه يضايقه وتشوف المستوى الي تفصل معاه
2-محاوله (تطفيش)المعلم وتكريهه بالمدرسه ولها اسباب تندرج تحت سببين على ما ااظن
1-انه يطلب نقل ونرتاح لان في حاله وجود نقل بيكون في حصص فراغ لان المدرسه تنتظر استجابه طلب معلم بهذي الفتره تكون سعادتنا:D
2-ابراز شخصيتنا المهيبه امام المعلم لان هذا يعني انه صعب يوقف احد ويتعامل معه وهنا ناخذ راحتنا اما بكثر الهرج او غيره بس ناخذ راحتنا الي ممكن يقيدها
2- قاعده التعامل مع الطلاب وهي صعبه جدا
من المعلوم عند الكثير ان الناس اجناس وللاعمار احكام وللعقول اه وش اقول عن العقول غير ان اصحاب العقول براحه
ي الي تبقىعالعموم الكلام الي قلته مترابط ببعضه في تغير اعمار الناس تتغير عقولهم واختلاف اجناسهم هي الي تكون فطريه وهذي هي المشكله لان في ناس لازم تتجنبهم وفي ناس تتقرب منهم وفي ناس فقط تكون علاقه (سلام عليكم) واصعب شئ تكون طالب جديد تحس باحساس الوحده وتعامل الطلاب لك كغريب شئ صعب تتعامل مع ناس اول مره تشوفهم او ممكن السؤال
كيف تتعامل معهم؟
هل اسلوب (الميانه)مع ناس ما تعرفهم هو حل
ما اتوقع هنا تكون القاعده خلك بعيد لين ما تتعود عليهم وهم يتعودون عليك
3-قاعده التشبيك!
شئ اساسي يعتبر للمتفوقين الي مغترين بنفسهم يروح عند المدرس باول اسنه يحضر درسين بس اثنين
ويروح عن المدرس وانا تراني انسان مجتهد تلقاه يضحك للمدرس طول الوقت يده معلقه بالسقف
لما يطلع المدرس تلقاه يسلم عليه ويسولف معاه بس مو كل المدرسين تمشي معهم
وعاد تلقى المدرسين يقطون عليه من الدرجات

بسم الله الرحمن الرحيم
بعد فشل محاولتي بجعل مدونتي مكان للشعر
فكرت في اني اجعلها سرد لما يكون في خاطري من حياتي كطالب او حياتي اجتماعيا
ممكن تكون في يوم روايه او تكون انتقاد او تكون نقل لمشاكل الطلاب الي يصعب تفهمها
وان اجعل المدونه منبري الحي لما احب ايصاله
والله لا يحرمني من تعليقاتكم :)