حواجز الاحترام تحير!

بسم الله الرحمن الرحيم
طبيعه الاحترام للمعلم شئ عادي لكن ان كان رغم الحواجز الي تكون بالاحترام
يكون حيره بسبب هذا الاحترام او شده الاحترام تجعل الظروف محيره فتابعوا:-

دائم يكون مع الاحترام نسبه من (الخجل) تتفاوت مع شخص الى شخص
لكن اذا كان الاحترام احترام لشخص اكبر منك + يكون معلمك او حتى رئيسك
وانك تحس انك تعامله بشفقه او ضعف او انه ما يحب انك تدري عن هذا الضعف
او الحزن الي هو فيه

وتجي انت تواسيه شئ اكيد ما فيها شئ لكن اذا ما كان يبي انك تدري
على اساس مركز الضعف فهذا شئ ثاني
راح تعيش وقت الحيره وقتها وش اسوي وين الصح
يمكن اروح اوسي حزنه واجرحه
او اني اسكت وياخذ موقف مني ليش ما واسيته
دائما يكون فقد الام اصعب شئ على اي واحد وانا هنا قدرت هالشئ
وانا من داخلي احزن وممكن اشفق عليه لان لفراق عزيز مراره
فما بالك بالام وايضا ان كان الي اشفق عليه المدرس بالرغم من
الايام الي خلاني فيها اتذمر من كثره واجبات ومن تعامله الجاف علي
انا لحالي ولكن ما جاه خلاني احزن له
هذا في الحقيقه ما صار لي بعد غيابه اسبوع كامل وكنت ادري عن وفاه امه
رجع للمدرسه اليوم
والاعظم في الحصه الاولى كنت المح قبلها المعلمين يعزونه
اشوف واقول اتوقع يقبل منهم لكن انا صعب
وانا افكر دخل قلت هنا
الحين وقت مناسب
والتفت اشوف الطلاب وقلت احس انها مو حلوة قدام الطلاب
كنت معظم الحصه محتار وش اسوي وش الصح في النهاية
قلت بدال ما اتعب نفسي بهذي المتهاهه التزم الصمت كغيري من الطلاب
ما لاحظت احد من الطلاب يشجعني اني اعزيه او اواسيه
خصوصا هنا صعب انك توازي معاملتك لطالب مع معاملتك للمعلم
لانه لو كان طالب كان سهل جدا اني اعزيه
لكن جو الحيره جو صعب وصفه :(