المجالس والشياب

بسم الله الرحمن الرحيم

من المعلوم ان المجالس الي تكون بشتى المناسبات
ان يكون في صدرها شايب
انا ما اقصد بكلامي الي بقوله اني ابنقد على الشياب
لكن جد مافي احد كامل مثل ما ياخذ مجال للكلام يعطي غيره
تلقاه ياخذ السوالف ويضحك ويتكلم وينتهي من سالفه ويبدا سالفه ثانيه
ولا يعطي مجال لغيره والمبرر انه اكبر واحد بالمجلس
الدعوه يا ناس مو كبر والواحد ما يكمل نفسه كل واحد يعطي الي عنده
مثل حكمه او مثال عالم ناسي اسمه قال:
اذا كانت عندي تفاحه وحده وانت عندك تفاحه وحده وتبادلنا التفاحتين بيصير
عندي تفاحه وحده وعندك تفاحه وحده
اما اذا كانت عندي معلومه وعندك معلومه وتبادلنا بيصير عندي معلومتين وعندك معلومتين
هذا الشئ لا يطبق عندنا بل عندنا قاعده مطبقه الي هي :
اذا تكلم الكبير يسكت الصغير!؟
انبذ هذا الشئ وبقوة لان العقل ماله علاقه بالعمر
وكل واحد في المجلس يصحح نظريه الثاني ونطلع بمافهيم مقتنعين منها وصحيحه
بغض النظر عن نوعيه المواضيع
ايضا للجراه مكان دايم ينضرب المثل اننا ناس نفقد الجراه ورفع الصوت ما تلقاه عندنا
تلقاه يشد على نفسه وصوته منخفض ويتكلم
وشوي يقوله اخوه ولا ابوه ايا كان اسكت ولا تقطع السالفه
تتوقع انه بعد كذا يطلع صاحب صيت مسموع
بتلقاه مجهول طول حياته في زوايه المكان حيا مات ولا احد درى عنه
وانا عارف ان ممكن يكون الفتره الي انا فيها فترة اسمع اكثر من اني اتكلم
لكن ما يمنع اننا نقول الي بقلبنا نقول او نناقش وجهات نظرنا ما اتوقع انه شئ يمنع
على العكس اعتقد شئ يزيد من ثقافتنا لمنه اجتمع
عقل خبير في عمر حديث